තඹ මස්ස (සහස්සමල්ල) කාසියකි

11300

AKT311

තඹ මස්ස කාසියකි. සහස්සමල්ල රජුගේ රාජ්‍ය කාලයේ (ක්‍රි.ව 1200-1202) මෙම කාසිය නිකුත් කර ඇත. කාසිය වටා ඒක කේන්ද්‍රීය වෘත්තාකාර තිත් රටාවක් වේ. එහි මධ්‍යයේ දෝතියක් වැනි ඇඳුමක් ඇද දකුණු පසට හැරී සිටින ශෛලීගත පුද්ගල රූවකි. නෙළුම් දඩුවක් මත හිටගෙන සිටී. හිසෙහි ශීර්ෂාභරණයක් වේ. වැලමිටෙන් ඉහළට ඔසවාගෙන සිටින දකුණු අතෙහි මලක් දරාගෙන සිටී. දකුණතෙහි වැලමිට පහළින් තිත් සලකුණු 5 ක් ඇත. වම් අත‌ට පහළින් පහනක් හෝ ශ්‍රීවත්ස්‍ය සලකුණ වේ.

කාසිය වටා ඒක කේන්ද්‍රීය වෘත්තාකාර තිත් සහිත රේඛාවක් වෙයි. දෝතියක් වැනි ඇඳුමක් සහිතව උක්කුටික ඉරියව්වෙන් හිදගෙන සිටින ශෛලීගත පුද්ගල රුවකි. මෙහි ද වම් අත වැලමිටෙන් ඉහළට ඔසවාගෙන සිටින අතර එහි සංඛයකට සමාන යමක් දරා සිටී. මෙම අතට පහළින් පේළි හතරකින් ශ්‍රීමත් සාහසමල්ල යනුවෙන් අර්ධ නාගරී අක්ෂරයෙන් සටහන් කර තිබේ.